万利农副产品

རྔ་བ་རྫོང་ཀུན་ཕན་ཞིང་ལས་གསར་སྤེལ་ཚད་ཡོད་མཐུན་གཉེར་ཁང་ནི་སྤྱི་ལོ་༢༠༡༧ལོའི་ཟླ་༧པར་ཚུགས་ཤིང་། མཐུན་གཉེར་ཁང་འཛུགས་པར་མ་དངུལ་སྒོར་བྱེ་བ་གཅིག་དང་ས་ཡ་གསུམ་བཏང་ཡོད། འདི་ནི་བོད་ཁུལ་གྱི་སློབ་ཆེན་སློབ་མ་བཞི་ཡིས་མཉམ་དུ་ཁེ་ལས་གསར་འཛུགས་བྱས་པ་ཞིག་རེད། མཐུན་གཉེར་ཁང་གནས་ཡུལ་ནི་རྔ་བ་རྫོང་གི་ལྷོ་ཁུལ་གྲོང་གསར་དུ་ཡོད་ཅིང་། རི་མཐོ་ས་གཙང་གི་མདོ་དབུས་མཐོ་སྒང་གི་ཐུན་མིན་གྱི་སྐྱེས་ཁམས་དང་། ཆར་ཆུ་དུས་སུ་འབབ་ཅིང་ལོ་ཕྱུགས་ཕུན་སུམ་ཚོགས་པའི་རྔ་བའི་ས་བབ་ཀྱི་དམིགས་བསལ་ཁྱད་ཆོས་ཀྱིས་ཡུལ་འདིའི་ཞིང་ལས་གཙོར་བྱས་པའི་འདེབས་འཛུགས་ལས་རིགས་ལ་ས་ཁུལ་གཞན་དང་མ་འདྲ་བའི་དགེ་མཚན་ལྡན་པ་རེད།