པད་མཚོ། སེམས་པ་སྨྲེང་བའི་གླུ།
扫码使用新片场app投屏
༼ སེམས་པ་སྨྲེང་བའི་གླུ། ༽
གླུ་ཚིག སྨན་བླ་སྐྱབས།
དབྱངས་རྟ། དཔལ་མགོན།
གླུ་མ། མགོ་ལོག་པད་མཚོ།
སྤང་སྟོད་ཡ་གིའི་ཤ་བ་ཡུ་མོ།།
སྤང་ལ་བཞད་པའི་མེ་ཏོག་འདྲ་སོང་།།
སྤང་ལ་མེ་ཏོག་ཆ་རེ་བཞད་ན།།
མིག་གི་དབང་པོ་ཤོར་དོན་མེད་ཀྱང་།།
ཕ་མ་མེད་པའི་མི་དང་མི་ལ།།
སེམས་པ་སྨྲེང་བའི་གླུ་དང་འདྲ་བྱུང་།།
མཚོ་སྟོད་ཡ་གིའི་ངང་བ་ངུར་བ།
མཚོ་ལ་ཤར་བའི་སྐར་མ་འདྲ་སོང་།།
མཚོ་ལ་སྐར་མ་ཆ་རེ་ཤར་ན།།
མིག་གི་དབང་པོ་ཤོར་དོན་མེད་ཀྱང་།།
ཕ་མ་མེད་པའི་མི་དང་མི་ལ།
སེམས་པ་སྨྲེང་བའི་གླུ་དང་འདྲ་བྱུང་།
གྲོང་སྟོད་ཡ་གིའི་བཟའ་ཟླ་ཕོ་མོ།།
རུ་སྡེ་མཛེས་པའི་རྒྱན་ཆ་འདྲ་སོང་།།
སྡེ་ལ་བཟའ་ཚོ་ཆ་རེ་གཤིབ་ན།།
མིག་གི་དབང་པོ་ཤོར་དོན་མེད་ཀྱང་།།
ཕ་མ་མེད་པའི་མི་དང་མི་ལ།
སེམས་པ་སྨྲེང་བའི་གླུ་དང་འདྲ་བྱུང་།
标签
评论
等待加载中…