ཤེར་བསྟན། པད་མཚོ། ཟད་མེད་ལས་འཕྲོ།

༼ཟད་མེད་ལས་འཕྲོ།༽ 缘分无尽 作词：扎古尊者尖措 གཞས་ཚིག སྦྲ་རྒན་བརྩོན་འགྲུས་རྒྱ་མཚོ། 作曲：洛赛 དབྱངས བློ་གསལ། 演唱：谢旦 班措 ལེན་མཁན ཤེར་བསྟན། པད་མཚོ། ཟད་ན་ཟད་ནི་ཆོག་པ། ། བྱུ་རུ་དམར་ཆུང་ཟད་ཆོག ། མི་ཟད་རང་དབང་ཡོད་ན། ། རྒྱུན་ཐག་ཟད་པ་མ་གནང་། ། བྱུ་རུ་དམར་ཆུང་ཟད་ན། ། རིན་ཐང་དེ་ལས་ལྷག་གོ ། རྒྱུན་ཐག་ཕྲ་མོ་ཟད་ན། ། བྱུ་རུའི་ཕྲེང་བ་འཐོར་འགྲོ ། འཐོར་ན་འཐོར་ནི་ཆོག་པ། ། སྡོང་མགོའི་བྱེའུ་ཁྱུ་འཐོར་ཆོག ། མི་འཐོར་རང་དབང་ཡོད་ན། ། བྱེའུ་ཚང་འཐོར་བ་མ་གནང་། ། སྡོང་མགོའི་བྱེའུ་ཁྱུ་འཐོར་ན། ། རང་རང་འཕུར་ལམ་བསྙེག་འགྲོ ། བྱེའུ་ཚང་དྲོན་མོ་འཐོར་ན། ། བྱེའུ་ཕྲུག་དམར་ལྗེན་འཁང་འགྲོ ། འཁང་ན་འཁང་ནི་ཆོག་པ། ། རྒྱ་ལྕང་ལོ་མ་འཁང་ཆོག ། མི་འཁང་རང་དབང་ཡོད་ན། ། བཙུགས་པའི་སྡོང་པོ་མ་འཁང་། ། ལོ་མ་ལྗང་མོ་འཁང་ཡང་། ། སང་ལོ་མྱུ་གུ་འབུས་ཡོང་། ། བཙུགས་པའི་སྡོང་པོ་འཁང་ན། ། ཟད་མེད་ལས་འཕྲོ་ཟད་འགྲོ། །